人生在世，就會預計會有不同的看法充斥著每分每刻，故此我認為想法比自己完善的要多多學習，而相異就要好好過濾，好讓自己不會犯同等錯誤。
說回攝影，不同風格的產生是在於因為人對同一事物的看法其實有著很顯著的差異，這個在會構圖反映出來；而記憶對光線以及顏色的喜好，除在攝影一刻被記錄下來以外，也會在相片編輯時顯現出來，即是說相片出來的不一定等於當時環境的顏色，而是拍攝者以為或喜好的色調。
這是我第一次和其他人一起拍照，當看過相片以後，發覺不同看相同東西的現象是十分有趣。也看到自己所謂的風格和別人的相異處，也是要多多學習的地方和觀摩的機會。
時間：2009 年8 月30 日
地點：賽馬會創意藝術中心
工具：Sony A350
做人要公平，所以刻薄人家也要狠批自己
01
呢張相無乜問題，但係悶囉。
02
呢張仲悶過上一張，又同埋留白太多。
03
放大睇，其實呢張無個位對焦準。 恐怕我要驗眼或要戴CON。
04
呢張最大問題係無焦點(自辯係呢兩樣野風馬牛不相及)，攪到兩頭都唔到岸。
05
我呢張太集中個鐘，無留意牆既色好靚，甚至係我係影呢個鐘咁多個人裡面背景最鬼肉酸果個。
06
呢張影係因為兩條魚好靚，無咩等特別。本來想正正方方咁，不過出來斜斜地反而無咁悶。
07
我喺紫熊大人果邊講過盞燈係好難影得好，其一我地無腳架，光圈收得太細後邊會太黑(開焛光燈又唔係咁方便)，但係光圈開得太大好似而家咁信箱又太散。另外難係盞燈顏色比相既深少少，因為光既關係所以先至咁淺。
08
我保留當時環璄光係因為想有懷舊感覺，同埋偏色令模型無咁假。不過呢張問題係前邊張枱占太多，攪到張相好亂。
09
呢張放大眼都係無個準焦點，同埋原相暗好多，係執左先咁光。
10
本來我都係想安安份份咁影個跳飛機，點知我好黑咁我想影果陣個細路女係走來走去。當佢阿媽叫佢行開下時，重問：「影乜野。」，我心諗：「影你囉。」(我唔係嬲個細路，只係覺好笑啫)
所以最後有呢張同其他朋友唔同既相。其實唔計右上角有個人，呢張相都幾好架，個細路又得意(雖然講野直左少少XD)
不一樣的觀點
拍攝的迷思 - 看法不一定相同? - yan
「看法不一定相同？」@賽馬會創意藝術中心 - 冰子
拍攝的迷思 V - 看法不一定相同？ - 紫熊
